Kohl grün

March 23, 2015 - Willi Magel
Schmutz und Schund
Liebt auch mein Hund.
Und lecker Grünkohl
Finde ich selbst toll.


Autor: Ulf Hundeiker

January 16, 2015 - Willi Magel
Wohie de Schobbe fiehrn kann

Letzd waa isch in Bieber inne Ebbelweikneip.
Net zum Saufe, naa, nur zum Zeidverdreib!
Unn droddsdem lief des Steffche so gud,
Wie en Bieberer Schobbe nur laafe dud.

So ging die Zeid rum bis Verddel nach Zwaa
unn de Werd säschtd, s’wär nix zum Trinke mehr da.
Isch waa zimmlisch mied, waa halb schon am schlaafe.
Wolld haam, hadd nix druff unn mussd deshalb laafe.

Isch laaf also, iwwer de Bieberer Bersch,
uff aamaal, da word isch todaal iwwerzwersch!
Isch reiß uff die Aache unn waa gleich hellwach:
wer leefd dann da noch Rischdung Offebach?

E wunnerschee Meedsche, eischendlisch e mords Fraa,
middem hibbsche Gesischd unn aach noch e paa Baa.
Isch waa sofodd spidds unn habbse gefraachd,
wasse dann wohl zu em Schampüsssche saachd.

Sie ging mit mir haam unn mer tranke en Sekt,
doch dasse kaa Lischd wolld, dess waa mer suspeggd.
Amm Morsche danach traf misch beinah de Schlaach.
Die Fraa waa enn Kerl, wenn isches euch saach!


© Willi Magel 2015